Сподели доживувања

MaxTV општо

1. За кого е наменета услугата MaxTV?

Услугата MaxTV е намената за сите приватни и деловни корисници кои сакаат да внесат повеќе забава и уживање во гледањето телевизија. MaxTV овозможува единствена можност да бидете сам свој ТВ уредник.

2. Кој може да ја добие услугата MaxTV?

MaxTV може да ја добијат сите корисници на услугите на Македонски Телеком, чијашто линија ги задоволува техничките барања за услугата MaxTV.

3. Дали и колку е комплицирано користењето на MaxTV?

Користењето на MaxTV е едноставно и не е покомплицирано од користењето на обичен видеорекордер. Сите команди се наоѓаат на далечинскиот управувач. Услугите, функциите и опциите се гледаат преку менито коешто се појавува на телевизорот.

4. Дали е можно да се склучи договор за MaxTV без телефонски број од Македонски Телеком?

За услугата MaxTV потребно е да имате активна телефонска линија. Притоа, услугата можете да ја добиете како дополнителна вредност на Вашата постојна телефонска линија, во рамките на пакетите 2 Max коишто вклучуваат MaxTV и телефонија, или пак во рамките на 3 Мах пакетите коишто вклучуваат MaxTV, Мах АDSL интернет и телефонија. Би сакале да Ви обрнеме внимание дека поради технички причини услугата не можете да ја користите доколку сте претплатник на интернет преку друг интернет провајдер којшто исто така нуди DSL услуги.

5. Дали може истовремено да се гледаат телевизиските програми и да се користи интернет?

Да. Во рамките на 3 Мах пакетите коишто вклучуваат МахАDSL интернет и MaxTV, можете истовремено да користите интернет и да гледате телевизија. Со помош на модем/рутер, преку Вашиот компјутер е возможно да користите интернет, додека пак преку ТВ приемникот да гледате MaxTV.

6. Дали интернет сообраќајот се троши кога се гледа MaxTV?

Интернет сообраќајот не е поврзан со MaxTV сообраќајот, односно, сообраќајот се движи по различни патеки, од причина што системите/платформите функционираат одвоено.

7. Каде можам да проверам колкав интернет сообраќај имам потрошено?

Веб страницата на која може да се провери статусот на потрошениот интернет сообраќајот е Мој Телеком, достапен преку www.maxtv.mk. Како корисник на MaxTV, овој податок е достапен на MaxTV преку Мени>MaxTV Екстра>Моја сметка.

8. Дали услугата MaxTV ќе им биде достапна на сите активни корисници на MaxADSL или има ограничувања во зависност од локацијата?

Најголемиот број од корисниците на MaxADSL ги исполнуваат техничките барања за MaxTV. Сепак, за оваа услуга постојат дополнителни технички услови коишто не секогаш се поврзани со локацијата на корисниците, не можат да се занемарат и потребно е дополнително да се испитаат.

9. Дали постои можност MaxTV да се гледа на два ТВ приемници?

Да. MaxTV може да се гледа на два ТВ приемници, за што се потребни два Медиа приемници: Медиа приемник 300 и Медиа приемник 100. Исто така, потребно е да се испитаат техничките можности за обезбедување на услугата на два приемници. При користењето на два медиа приемници, не постои разлика во месечниот надомест за пакетите базирани на ADSL.

10. Каде се обезбедуваат уредите потребни за функционирањето на MaxTV?

Уредите ги добивате на користење при склучувањето на договор за MaxTV во продажните салони на Македонски Телеком или кај Вашиот контакт за продажба. Во случај на Optic пакети, постои можност за купување на уредите.

11. Дали се наплаќа премотувањето, паузирањето и снимањето на програмите?

Не, тоа е дел од услугата во пакетите во кои овие карактеристики се вклучени и не се наплатува дополнително.

12. Кој ја инсталира услугата MaxTV?

Услугата MaxTV ја инсталираат специјално обучени екипи од Македонски Телеком, а во случај на пакет за самоинсталација, корисникот треба сам да ја инсталира опремата за што добива прецизно упатство за инсталација. Доколку Ви е потребна дополнителна помош при инсталацијата на опремата, обратете се на бесплатниот телефонски број 0800 12345 за техничка поддршка на корисниците, кој е достапен 24x7.

13. Дали MaxTV поддржува HDTV?

Да.

14. Каде може да се најдат дополнителни информации за услугата MaxTV?

Во сите продажни салонина Македонски Телеком, преку Контакт центарот на 171 и преку интернет на www.maxtv.mk.

15. Каде можам да најдам упатства за користење на услугата и уредите?

Сите упатства поврзани со MaxTV услугата можете да ги најдете на www.maxtv.mk Корисничка поддршка>Упатства.

16. Во случај на проблеми со услугата или опремата, кому можам да се обратам?

Обратете се на бесплатниот телефонски број 0800 12345 во Службата за корисничка поддршка, која е достапна 24 часа на ден, секој ден во годината.

17. Каде можам да поднесам барање и да склучам договор за услугата MaxTV?

Во сите Телеком продажни салони, во Контакт центарот на 171, кај индиректните партнери, како и преку интернет на www.maxtv.mk.
 
MaxTV опрема

1. Дали е потребен посебен телевизор за MaxTV?

MaxTV поддржуваат 90% од ТВ уредите кои денес се користат во Македонија. MaxTV може да се следи и преку традиционалните, но и преку новите плазма и LCD телевизиски уреди. Единствен услов е ТВ приемникот да има еден од влезовите за поврзување на Медиа приемникот: HDMI, SCART или S-Video.

2. Кои и какви уреди се потребни за функционирањето на MaxTV?

За да имате MaxTV, потребен Ви е телефонски приклучок од Македонски Телеком, модем/рутер којшто ќе биде поврзан на мрежата на Македонски Телеком и Медиа приемник 300, којшто го овозможува обезбедувањето на MaxTV и сите негови дополнителни функционалности. Составен и важен дел на системот претставува Медиа приемникот (Media receiver), кој IP сигналот пристигнат преку ADSL мрежата го претвора во телевизиски сигнал. При користењето на услугата MaxADSL, досега користевме таканаречен ADSL модем, кој со воведувањето на напредните МахTV и Call&Surf услуги е заменет со модем/рутер (Home Gateway). Со помош на овој уред, кон мрежата се приклучува не само Медиа приемникот, туку и компјутерот преку кој ни се достапни интернет услугите. Уредот располага со вграден огнен ѕид (firewall), како и WLAN модул за безжично поврзување на компјутери.

3. Што е медиа приемник?

Медиа приемник (Media Receiver) е софистициран уред кој ја носи MaxTV во Вашиот дом. За корисниците на MaxTV, достапни се два типа на Медиа приемници и тоа МП300 и МП100. Медиа приемникот МП300 е основниот Медиа приемник кој располага со сопствена меморија за снимање на содржини, додека МП100 е модел без меморија и се користи за поврзување на дополнителен ТВ приемник. Деталите за Медиа приемниците можете да ги најдете во Корисничка поддршка>Упатства на www.maxtv.mk.

4. Дали сите потребни кабли за спојување на Медиа приемникот со MaxADSL модемот/рутерот се дел од опремата која ја добивам со потпишувањето на договор за MaxTV?

Сите потребни кабли се наоѓаат во кутијата со Медиа приемникот.

5. Колку може да биде максималната оддалеченост на MaxADSL модемот од Медиа приемникот и од ТВ приемникот?

Не постојат посебни ограничувања.

6. Постои ли можност за безжично спојување на Медиа применикот и MaxADSL модемот/рутерот?

Да. Медиа приемникот и модемот/рутерот можат да се поврзат безжично со помош на дополнителен уред (Speedport 101, Swix). Покрај безжичното, можно е и поврзување преку електричната инсталација со помош на посебен уред.

7. Постои ли можност Медиа приемникот да се приклучи на HDMI (high definition multimedia interface) приклучокот на телевизорот?

Да, HDMI кабелот е вклучен во пакетот со Медиа приемникот.

8. На Медиа приемникот се наоѓа USB приклучок. За што служи?

Во моментов, USB приклучокот нема поддршка, односно истиот не може да се користи.

9. Колку време Медиа приемникот може да ја памети снимената ТВ програма за повторно гледање?

Каналите, односно, програмите кои ги снимате на Медиа приемникот ќе бидат достапни на располагање толку долго колку што вие ќе одлучите. Медиа приемникот има 160GB тврд диск (што значи повеќе од 150 часа снимање). Кога ќе се исполни целата меморија на уредот тој ќе Ве информира и Вие ќе одлучите која содржина да ја избришете.

10. Што се случува кога тврдиот диск на Медиа приемникот МП300 е целосно полн?

Снимениот материјал има свој редослед по датуми. Ако тврдиот диск е целосно наполнет, тогаш снимениот материјал со најстар датум автоматски се брише, со што се ослободува простор за нови снимања. Постои можност и да добиете нотификација дека хард дискот е полн и сами да одберете што ќе избришете во зависност од подесувањата на Вашиот Медиа приемник.

11. Колку време Медиа приемникот ја памети ТВ програмата во живо за повторно гледање?

Во поглед на меморирањето на каналите во живо, всушност, станува збор за времена меморија, којашто ја чува содржината што ја гледате од почетокот на вклучувањето на дадениот канал се додека не го смените истиот. Откако ќе го смените каналот, започнува меморирањето на новиот канал, а сè претходно се брише. Враќање наназад е возможно за максимум 2 часa.

12. Во случај на проблеми со услугата или опремата кому можам да се обратам?

Обратете се на бесплатниот телефонски број 0800 12345 за техничка поддршка на корисниците, кој е достапен 24 часа на ден, секој ден во годината.

13. Кој ја инсталира услугата MaxTV?

Услугата MaxTV ја инсталираат специјално обучени екипи од Македонски Телеком, а во случај на пакет за самоинсталација, корисникот треба сам да ја инсталира опремата за што добива прецизно упатство за инсталација. Доколку Ви е потребна дополнителна помош при инсталацијата на опремата, обратете се на бесплатниот телефонски број 0800 12345 за техничка поддршка на корисниците, кој е достапен 24x7.

14. Каде можам да најдам упатства за користење на услугата и уредите?

Сите упатства поврзани со MaxTV услугата можете да ги најдете на www.maxtv.mk Корисничка поддршка>Упатства.
 
MaxTV функционалности, ТВ водич, Видеотека

1. Што е овозможено со функциите на MaxTV водичот?

MaxTV водичот ви дава информации за програмата на сите канали на MaxTV за 14 дена, притоа обезбедувајќи можност за закажување на снимање на содржините и пребарување на истите.

2. На кој начин се снима ТВ програма?

Снимањето на некоја ТВ содржина е можно на два начини - со помош на MaxTV програмскиот водич, со избор на програма и доделување на снимање на програмата. Можноста за преглед и снимање на програмата покрај со помош на програмскиот водич на MaxTV, е достапна и преку интернет програмскиот водич на www.maxtv.mk и преку мобилен, со што е овозможено закажување на снимањето и кога не сте покрај ТВ приемникот. Покрај ова, овозможено е снимање на програмата во живо со вклучување на копчето за снимање на далечинскиот управувач на Медиа приемникот, со што започнува снимањето на програмата во живо.

3. За што станува збор доколку ТВ водичот прикажува погрешни податоци?

Македонски Телеком ја добива програмата од ТВ каналите и ја прикажува истата онака како што тие ја приложуваат. За податоците коишто се однесуваат како на временската рамка, така и на содржините во програмата, доставени од ТВ каналите, Македонски Телеком не ја презема одговорноста.

4. Како да се закаже снимање на програми кои имаат различно, односно, поместено време на емитување во споредба со програмата во ТВ водичот? Дали постои можност за временско одложување на снимањето?

Снимањето се врши врз основа на определен термин, утврден во MaxTV водичот. Покрај автоматското, постои можност и за мануелно временско нагодување на снимањето на програмите. На тој начин, можете да го нагодите започнувањето на снимањето одреден период пред означениот термин за започнување на програмата во водичот и да го нагодите крајот на снимањето по означениот термин за крај на програмата. Ова има своја практична, но и безбедносна функција, во случај кога емитувањето на некоја емисија започнува со задоцнување, а системот веќе започнал со снимање врз основа на податоците добиени од MaxTV водичот.

5. Дали постои можност истовремено да се снима повеќе од една содржина и да се гледа телевизиската програма?

Услугата MaxTV дава можност истовремено да снимате една ТВ содржина, додека следите некоја друга во живо. Постои можност истовремено да се снимаат максимум две содржини. За време на снимањето на две содржини истовремено, постои можност една од програмите да се следи и снима.

6. Зошто некои ТВ канали сè уште немаат обезбедено превод на македонски јазик?

Одлуката за локализација на содржините ТВ каналите најчесто ја прават врз основа на вкупно пријавениот број на корисници/гледачи од сите оператори кои го реемитуваат тој канал на одредена територија. Кога корисниците ќе надминат одредена критична бројка на таа територија (во случајов Р. Македонија), ТВ каналите одлучуваат за исплатливоста за локализација. Во однос на локализацијата, односно преводот на содржините на ТВ каналите, MaxTV ги пренесува истите онака како што каналите ги обезбедуваат.

7. Зошто на некои канали звукот е послаб во однос на други

ТВ сигналот се пренесува со квалитетот на звук како што ни го испорачуваат ТВ каналите. Во моментов нема техничка можност за нивелација на различното ниво на јачина на звукот на ТВ каналите, што не значи дека во иднина нема да се обезбеди.

8. Дали е возможно локалните канали достапни само за некои градови да се гледаат на целата територија на Македонија?

Локалните канали добиваат лиценца за емитување на програма само за одредена територија. Оттука, незаконски е истите да се реемитуваат на целата територија на Македонија.

9. Дали постои ли можност за контрола на програмата, односно, филмовите според содржината (на пример, забрана за пристап на децата до содржини за возрасни)?

Да, таканаречената „родителска контрола“ е функционалност обезбедена со MaxTV. Со помош на четири цифрен ПИН код, може да му забраните на Вашето дете пристап до сите филмови и емисии за чие гледање постои препорака за ограничување на гледање поради возраст. Оваа функционалност овозможува и блокирање на ТВ канали и лимитиран пристап до содржини во Видеотеката.

10. Кој е основниот пин за родителска контрола?

ПИН кодот е даден во договорот којшто го потпишувате при купувањето на MaxTV услугата.

11. Дали бројот на понудени филмови во видеотеката ќе биде постојано ист?

Бројот на содржините во видеотеката постојано се зголемува, а содржините континуирано се менуваат и дополнуваат.

12. Како можам да изнајмувам филмови?

Ако изнајмувате филмови од нашата видеотека, ќе заштедите и време и пари. Начинот на изнајмување е лесен и брз, може да го направите преку менито на MaxTV, со помош на далечински управувач, седејќи во Вашата фотелја. На брз и лесен начин, користејќи само неколку копчиња, можете да избирате и изнајмувате филмови од видеотеката, која се повикува од менито. Нашата понуда изобилува со светски хитови и разновидни филмови од сите жанрови.

13. Која е цената за изнајмување на филмовите?

За цената на изнајмувањето на филмовите можете да се информирате преку Вашиот телевизиски приемник, преку менито Видеотека или на во Видеотека на оваа веб страница.

14. На кој начин се плаќа за изнајмениот филм?

Плаќањето за изнајмените филмови е вклучено во првата следна телефонска сметка.

15. За колку време може да се изнајми еден филм?

Еден филм се изнајмува за еден ден (24 часа). Ова значи дека изнајмениот филм, за висината на надоместокот на изнајмувањето, во текот на еден ден може да се гледа неограничен број пати.

16. На кој начин е достапен телетекстот?

Во средина на далечинскиот управувач се наоѓаат копчиња, со помош на кои е достапен телетекстот. Телетекстот од повеќето македонски ТВ канали не е достапен во моментов заради недостаток на опремата којашто ТВ каналите треба да ја постават за поврзување на телетекстот со дигиталната MaxTV платформа.
 
Facebook апликација на MaxTV

1. Како да пристапите до MaxTV Facebook апликацијата?

До Facebook апликација ќе можете да пристапите на три начини:
  • Со синото копче од далечинскиот управувач и избор на Facebook апликацијата
  • Со избор на каналот 1114 за директно пристапување

2. Како да се поврзете?

Пред да се најавите на Facebook апликацијата на MaxTV потребно е да ја посетите страницата http://fb.maxtv.mk. Таму внесете ги информациите за вашиот Facebook профил и креирајте ваше корисничко име и ПИН код (четвороцифрен број), кои ќе ги користите за најавување на MaxTV Facebook апликацијата.

3. Ако го заборавам PIN бројот или Корисничкото име за најава на Facebook апликацијата на MaxTV, дали може да ми бидат пратени со е-порака?

Праќањето податоци преку e-порака не е можно, но корисникот кој го заборавил PIN бројот или Корисничкото име може да ги промени или да креира нови преку веб страницата http://fb.maxtv.mk.

4. Дали користењето на Facebook генерира/троши интернет сообраќај?

Пристапот и користењето на Facebook апликацијата е целосно реализирана преку MaxTV платформата и не генерира интернет сообраќај, како и во случајот со останатите MaxTV апликации.

5. Дали корисник на 2 Max пакети може да користи Facebook преку MaxTV?

Да. Facebook aпликацијата е целосно реализирана преку MaxTV платформата, за што не е потребен дополнителен интернет пристап. Сите корисници на MaxTV независно од пакетот кој го користат имаат пристап до Facebook на MaxTV.

6. Дали постои заштита од вируси на медиа приемникот?

Kорисникот е целосно заштитен од можни напади и вируси.

7. Дали има ограничувања и разлики во функционалностите на Facebook преку MaxTV во однос на оние преку компјутер?

Да. Согласно на функционалностите кои Facebook ги дозволува за развој на IPTV платформи, функционалностите достапни на Facebook преку комјутер и преку MaxTV не се идентични.

8. Дали може да гледам видео клипови на Facebook преку MaxTV?

Во оваа верзија на Facebook апликацијата гледање видео клипови не е можно. Ова е една од функционалностите кои Facebook сè уште не ја овозможува за IPTV платформите.

9. Дали како корисник на MaxTV, доколку имам интернет пристап на мојот ТВ приемник (smart TV) може да прикачам слики, видео и др. на Facebook?

Facebook апликацијата на MaxTV е достапна само преку MaxTV платформата, и е независна функционалност од можностите на смарт телевизорите и нивниот пристап на интернет. Доколку вашиот смарт телевизор обезбедува пристап до Facebook апликација и овозможува прикачување на содржини во видео или во други формати, тоа е независно од Facebook на MaxTV.
Повеќе информации за Facebook апликацијата на MaxTV проверете ТУКА.